Тартиб-интизом қўмитасининг навбатдаги мажлиси бўлиб ўтди, деб хабар беради pfl.uz.
Олий лига
“Динамо”га қарши 9-тур ўйинида рақиб футболчисига номақбул ишора кўрсатгани учун майдондан четлатилган “Сўғдиёна” ҳимоячиси Илҳом Комилов иккита учрашувга дисквалификация қилинди.
Ёшлар Биринчилиги
“Олмалиқ”қа қарши 9-тур ўйинида ёрдамчи ҳакам шаънига номақбул сўзларни айтгани учун майдондан четлатилган “Локомотив” дарвозабони Аброржон Каримов учта учрашувга дисквалификация қилинди.
“Андижон”га қарши 9-тур ўйинида ҳакамнинг шаънига ҳақоратли сўзлар айтгани учун майдондан четлатилган “Навбаҳор” ярим ҳимоячиси Азам Алиев учта учрашувга дисквалификация қилинди.
“Нефтчи”га қарши 10-тур ўйинида ўзини тажовузкор тутгани учун майдондан четлатилган “Насаф” ярим ҳимоячиси Дониёр Нарзуллаев иккита учрашувга четлатилди.
“Насаф”га қарши 10-тур ўйинида ҳакамнинг шаънига номақбул сўзлар айтгани учун майдондан четлатилган “Нефтчи” бош мураббий Д.Алижонов битта учрашувга дисквалификация қилинди, жарима тортилди.
“Динамо”га қарши 10-тур ўйинида ҳакамнинг шаънига номақбул сўзлар айтгани учун майдондан четлатилган “Бунёдкор” устози Ҳикмат Эргашев битта учрашувга дисквалификация қилинди, жарима тортилди.
