"Пахтакор" - "Бунёдкор" учрашувидан сўнг ҳар икки жамоа бош мураббийи матбуот анжуманида ОАВ ходимлари саволларига жавоб беришди.
Самвел БАБАЯН (“Пахтакор” бош мураббийи): - Ушбу жамоалар ўртасидаги дерби ҳамиша қизиқарли кечади. Менимча, ҳисоб учрашувдаги вазиятни аниқ ифода этди. Биз кўпроқ вазиятларни юзага келтирдик ва Зуҳуров яхши ўйин намойиш этди. Ушбу муваффақият билан олдинга юришда давом этяпмиз.
“Бунёдкор” кучли жамоа ва жуда яхши савиядаги футболчиларга эга. Улар вазиятларни юзага келтиришди. Бу жамоа шундай қилиши керак эди ҳам. Ҳимояда хато қилганимизни инкор этмайман. Бизда ўйинчилар билан боғлиқ аниқ муаммо бор.
Сергеев яна бир бор мамлакатимиздаги энг кучли ҳужумчилардан бири эканлигини кўрсатди. Ҳеч бир футболчини алоҳида ажратиб ўтишни хоҳламайман.