"Қўқон-1912" - "Навбаҳор" учрашувидан сўнг ташкил этилган Матбуот анжуман иккинчи қисмида "Қўқон-1912" бош мураббийи Рустам Абдуллаев журналистлар саволларига жавоб қайтарди, дея хабар бермоқда "Навбаҳор" расмий сайти.
- Ўзингиз кўрдингиз, йигитлар қўлларидан келганча ҳаракат қилишди. Бир-иккита вазиятлардан фойдаланмадик. "Навбаҳор"да бир имконият бўлди ва бу голга айланди. Бизда гол уришга имкон кўпроқ бўлди. Бугунги ўйинда ютқазишимиз керак эмасди. Камида дуранг бўлиши лозим эди. Баъзи ўйинларда омади келган жамоа ғолиб бўлади. Футбол шуниси билан қизиқ. Негадир кўп кўзлаган режаларимиз ўхшамай қолди. Шогирдларим гўёки сехраб қўйилгандек туюлди. Уларнинг кўпини қўлидан келадиган ўйинлари чиқмади. Ҳар бир футболчининг кучли томони бўлади. Аммо, улар шу хислатларини амалда кўрсата олишмади.
Камчиликларимизни кўриб чиқамиз. Футболда барибир кимдир ғолиб бўлади, кимдир эса мағлубиятга учрайди. Уйда айниқса ҳеч ким имкониятни бой беришни истамайди. Наманганликларни бугун омади келди ва ғалабани илиб кетишди. Иссиқлик ҳам ўз таъсирини бугун йигитларга ўтказди. Кўрган бўлсангиз, иккинчи бўлимда ҳимоячини ўрнига майдонга ҳужумчи туширдим. Умуман олганда, ўйинга қараб айтадиган бўлсам, дуранг адолатли натижа бўларди.