ФИФА президенти лавозимига қайта сайланган Йозеф Блаттер УЕФА президенти Мишель Платини унга истеъфога чиқишни таклиф қилганининг тавсилотларини келтириб ўтди.
“Аввал Платини мендан учрашишни сўради, сўнгра худди дўстлардек менга виски ичишни таклиф қилди. Мен рад жавобини берганимда, у менга жиддий равишда нутқ билан чиқишимни ва бу нутқ охирида ўз лавозимимдан кетишимни эълон қилишимни айтди.
Охирги кунларда содир бўлган воқеалар кўнглимни хира қилди. Мен Платини сайловдан олдинги кечада барча футбол уюшмаларига менга қарши овоз беришни сўраб мактуб йўллаганини биламан”, деб айтмоқда Блаттер.
