"Рома" ҳимоячиси Мапу Янга-Мбива Римнинг бошқа бир клуби - "Лацио" ишқибозларининг қурбони бўлишига оз қолди.
Воқеа Рим тунги клубларининг бирида содир бўлди. 26 шли футболчи икки дўсти билан дам олаётган эди, унинг олдига "Лацио"нинг бир неча ишқибози яқинлашдилар. Улар камарларини ечишиб, футболчини калтаклашмоқчи бўлишди. Аммо Янг-Мбиванинг дўстлари унинг ҳимоясига чиқдилар, дея хабар беради Rete Sport.
Воқеага 100тача одам гувоҳ бўлди. Полиция ҳужум қилганларнинг шахсини аниқлаш учун суриштирув ишларини бошлаган.