“Барселона” ярим ҳимоячиси Хави Чемпионлар Лигаси финали доирасида “Ювентус”га қарши ўйин олдидан фикрлари билан ўртоқлашди.

“Мен учун бу “Барселона”даги футболчилик фаолиятимнинг ёрқин якуни. Шу сабабли ҳам ажойиб ғалаба билан кетмоқчиман. Жамоани тарк этаяпман, лекин таркибда янги футболчилар авлоди қолмоқда.

“Барса” рақобатбардош жамоа бўлишига ва тарихга ўз номини яна кўп марта ёзиб қўйишига ишонаман”, – дея испаниялик футболчи сўзларини келтиради Sports.ru.

Эслатиб ўтамиз, мавсум якунига етгач Хави Қатарнинг “Ас-Садд” клубига кўчиб ўтади.