Испаниянинг “Севилья” клуби билан Европа Лигасида ғалаба қозонган бош мураббий Унаи Эмери ёзги трансферлар вақтида Италиянинг “Наполи” клубига кўчиб ўтмоқчи эмас.
Неаполь клуби президенти Аурелио Де Лаурентис Испанияга 43 ёшли мутахассис билан музокараларни муваффақиятли якунлаш мақсадида келган ва унга катта маош беришни ваъда қилганди.
Аммо молиявий томондан ажойиб таклиф билдирилганига қарамай Эмери “Наполи”ни бошқаришни истамади, АПЛ клубларидан бири билдирилган таклифга ҳам рад жавобини берди, деб ёзмоқда Football Italia манбасига таяниб Sports.ru.
Эслатиб ўтамиз, “Севилья” Европа Лигаси тарихида кетма-кет икки марта ғолиб чиқа олган биринчи клубга айланди ва энди келаси йилги мавсумда Испания Примерасидан бир йўла 5та клуб ЕЧЛда иштирок этади. Сабаби Европа Лигаси ғолиби бўлган “Севилья” турнирга йўлланмага ҳам эга бўлган.
