Бугун миллий терма жамоамиз бош мураббийи Миржалол Қосимов 11 ва 16 июнь кунлари бўладиган терма жамоамиз иштирокидаги ўйинларга тайёргарлик кўриш учун таркибни эълон қилди.

Ушбу йиғинга таклиф олганлар орасида “Машъал” жамоаси ҳужумчиси Зоҳир Қўзибоев ва “Насаф” жамоасидан тўрт нафар футболчилар бор. Булар Элдорбек Суюнов, Шуҳрат Мухаммадиев, Фаррух Сайфиева ва Шоҳруҳ Гадоевлардир.

Воҳа футболи ишқибозларини қувонтирган ҳолат шуки, таклиф этилганлар орасида оғир жароҳатдан сўнг узоқ давом этган даволанишлардан сўнг, ўз ҳолатини тиклаб яна сафга қайтган “Насаф”нинг ярим ҳимоячиси Шоҳруҳ Гадоевнинг ҳам борлигидир.

Шоҳруҳ терма жамоа сафидаги ўзининг чиройли ва мазмунли ўйинлари билан футбол ишқибозларида яхшигина таасурот қолдираётган эди, афсуски оғир жароҳат уни вақтинчалик сафдан чиқариб қўйди. Аммо шифокорларнинг ва жамоа мутассадиларининг саи-ҳаракатлари ҳамда Шоҳруҳнинг ўзига бўлган ишончи ва тиришқоқлиги эвазига у яна сафга қайтди.

Умид қиламизки, у яна мамлакатимизнинг бош жамоаси сафида ўзини кўрсатади ва терма жамоамиз ютуқларига  муносиб ҳиссасини қўшади