"Барселона" ҳужумчиси Луис Суарес Чемпионлар Лигасидаги ғалаба орқали ЖЧ-2014дан кейин унинг шаънига билдирилган танқидларга муносиб жавоб қайтарганини маълум қилди.
"Чемпионлар Лигаси финалида ҳал қилувчи голни уриш – ҳаётимдаги энг муҳим орзунинг амалга ошишидир. Ўша дақиқада соврин тақдири ҳал бўлди. Айнан шундай онлар учун, шундай нуфузли турнирларда ғалаба қозониш учун ҳам "Барселона"га келганман.
Ҳар доим кўпроғини хоҳлайман. "ПСЖ", "Реал" ва "Манчестер Сити"га тўп киритганимда кўпчилик менинг аллақачон шартномамни оқлай бўлганимни айтишганди. Аммо энг асосий мақсадим ҳамиша Чемпионлар Лигасида ғолиб чиқиш бўлган. Бразилиядаги ЖЧдан кейин мени танқид қилганларга бугун муносиб жавоб қайтардим", - дея "CЭ" Суареснинг фикрларини келтиради.
Эслатиб ўтамиз, уругвайлик форвард Бразилиядаги мундиалнинг гуруҳ босқич ўйинида Италия термаси ҳимоячиси Жоржо Кьеллинини тишлаб олганди. Кеча эса Суарес "Ювентус"га қарши ЕЧЛ финалида ҳал қилувчи голга муаллифлик қилди.
