"Барcелона" ярим ҳимоячиси Хави "Ювентус"га қарши кечган Чемпионлар лигаси финали ҳақида фикр билдирди.
"Финал ҳақида ҳеч қандай сўзим йўқ. Бу ажойиб. Бундан кўпроғини орзу қилиб бўлмайди. Жамоамиз ва мухлисларимизга таъриф бера олмайман. Бу жамоада бошқа ўйнай олмаслигим ҳақида ўйлаш жуда оғир. Финал жуда ажойиб ўтди.
Луис Энрике бунга лойиқ эди. Мавсум бошида кўпчилик уни танқид қилди, аммо у жамоанинг етакчиси бўлди. Мураббийлар штаби катта кўламдаги ишни бажаришди. Луис Энрике жамоада қолиши керак" - дейди Хави.