Хабарингиз бор, WBA версияси бўйича мунтазам жаҳон чемпиони 36 ёшли ўзбекистонлик боксчи Руслан Чагаев супероғир вазн тоифасининг WBA версиясида ихтиёрий ҳимоя жангини 11 июль куни Магдебургда (Германия) 30 ёшли германиялик Франческо Пианеттага (31-1-1, 17 КО) қарши ўтказади.
Чагаев бу тўқнашувда рақибига ҳеч қандай имконият қолдирмаслигини таъкидлаб ўтган.
– Мен ҳозирда жуда яхши формадан. Сўнгги вақтларда ўзимни худди 10 ёшга ёшаргандек ҳис қиляпман. Рингга чиқиш вақтини сабрсизлик билан кутяпман. Мен албатта, рақибим Пианеттадан узр сўрайман. Бу тўқнашувда унда ҳеч қандай имконият бўлмайди, – дейди Чагаев.
Эслатиб ўтамиз, бўлажак жангда ҳамюртимиз ғалаба қозонадиган бўлса, кейинги тўқнашувни мажбурий равишда австралиялик Лукас Браунга қарши ўтказади.
