Мёнхенгладбахнинг "Боруссия" клуби ўз вақтида Норвегия терма жамоаси ҳужумчиси Мартина Эдегорни сотиб олмоқчи бўлган. Бу ҳақда немис кулбининг спорт диретори Макс Эберль маълум қилди.

"Биз анча вақтдан буён Эдегорнинг отаси билан алоқада бўлиб келгандик. Спорт нуқтаи назаридан унга қулай шартнома таклиф ҳам қилган эдик. Аммо ўртага "Реал"дек клуб суқилганда, спорт нуқтаи назарига ҳожат қолмас экан", - дейди Эберль.

Испания гранди қишда Эдегорни "Стрёмсгодсет" клубидан сотиб олган эди. Аввалроқ мадридликлар футболчи кўпроқ ўйин амалиётига эга бўлиши учун примеранинг бошқа бир клубига ижарага бериши ҳақида хабар қилинган эди.