"Пахтакор" - "Машъал" учрашувдан (3:1) кейин ҳар икки жамоа бош мураббийлари матбуот анжуманида иштирок этишди.
Самвел БАБАЯН (“Пахтакор” бош мураббийи): - “Машъал” ҳар доим бизга қийин рақиб. Бугун меҳмонлар кескин ўйин орқали бизга қаршилик қилишга интилишди. Менимча, биз ҳақли равишда ғалаба қозондик. Савиямиз юқорилиги сабабли қийин ҳолатдан чиқиб кетдик. Каримовни иккинчи бўлим бошида кичик жароҳати сабабли алмаштирдим. Курашга бой бундай ўйинда шу каби ҳолатлар учраб туради. Ўз навбатида шогирдларим рақибнинг шундай ҳаракатларига тайёр.
Рақиб мураббийини жуда ҳурмат қиламан. У ўзига хос услуб ва фалсафага эга. Футболчилар майдонда нима қилиши кераклигини яхши билишади. Улар марказда бизга тўпни эркин қабул қилмасликка уринишди. “Машъал” бошқа мураббий билан 5-ўринни эгаллай олмасди. Хомяков футболчиларни фалсафасига мос ҳолда ўйнашга эргаштира олди.