"Арсенал"нинг собиқ ҳужумчиси Тьерри Анрининг фикрича, жамоанинг ҳужумкор яримҳимоячиси Алексис Санчес - клубнинг омад калитидир.
Чилилик футболчи ўтган мавсумда 35 учрашувда 16 та гол урган.
"Агар "Арсенал" мухлиси бўлсангиз, сиз анчадан буён шундай, ўйин тақдирини ҳал қиладиган футболчи пайдо бўлишини кутгансиз. Сиз унинг Англия кубоги финалида ва умуман, "Арсенал"да бажарган ишларини кўринг. Бу ишониб бўлмайдиган нарсалар.
Ҳамма унинг ижросида шедеврларни яна ва яна кўргиси келади. Биламан, у яна кўплаб шедевр ижро этади. Жамоада Алексис Санчесдек ўйинчининг бўлиши - жамоанинг омад калитидир. У ўйин тақдирини ўзгартирадиган футболчи. Унинг ўйини менга ёқади, у юракдан ўйнайди ва мухлислар уни севишади", - дейди Анри.
