Уругвай терма жамоаси ҳужумчиси Эдинсон Кавани Америка кубоги чорак финалида Чилига қарши учрашувда иштирок этмаслиги мумкин, дея хабар беради France Press.
Душанба куни футболчининг отаси Луис Кавани юк машинасини бошқараётиб, мотоцикл билан тўқнашиб кетди. Автоҳалокатда 19 ёшли мотоциклчи ҳалок бўлди ва футболчининг отаси ҳибсга олинди.
Ҳозирги вақтда Кавани ватанига қайтиб, отасини қўллаш учун терма жамоа бош мураббийи Оскар Табарес билан келишмоқда. Агар бу амалга ошса, 28 ёшли футболчи терма жамоа сафига яримфиналда қайтади.
"Кавани билан яна гаплашамиз. Умид қиламизки, у бу воқеани тушуниб, бор эътиборини ўйинга қаратади. Албатта, бу воқеа унга қаттиқ таъсир қилди, бошқа лар билан ҳам шундай бўлар эди", - дейди Табарес.
