"Бока Хуниорс" бош котиби Сесар Мартуччи "Ювентус" ҳужумчиси Карлос Тевеснинг жамоага қўшилаётгани ҳақидаги хабарни тасдиқлади. Раҳбарнинг фикрича, 31 ёшли аргентиналик футболчининг Аргентинага қайтиши мамлакат футболига ижобий таъсир кўрсатади.
"Орадан йиллар ўтиб Тевеснинг қайтаётганини кўришдан хурсандмиз. Умид қиламан, жамоа у билан биргаликда мухлислар кутаётган натижаларни қўлга киритади. Унинг қайтиши — Аргентина футболи учун жуда яхши. Ўйлайманки, мухлислар ундан хурсанд бўлишади", — дея Тевеснинг сўзларидан иқтибос келтирмоқда "Marca" нашри.
Эслатиб ўтамиз, Тевеснинг трансфери 5 миллион еврони ташкил қилмоқда. У "Бока" футболчиси сифатида 7 июль куни таништирилади.
