Самвел Бабаянни миллий терма жамоа устозига айлангани кўп муҳокамага сабаб бўлмоқда. Жумладан, футболимизнинг бир қатор расмийлари ҳам бу борада ўз фикрлари билан ўртоқлашмоқда. Жумладан, мураббий Рауф Инилеев “Футбол Экспресс” газетасига интервью берар экан, шундай деди.
- Айни пайтда олий лига клублари мураббийларини орасида айтадиган бўлсак, Бабаян яхши иш олиб боряпти ва омадли мураббий эканлигини намойиш этмоқда. ЎФФ шуни ҳисобга олиб Самвел Бабаян вариантини танлаган бўлса керак. У терма жамоани қандай бошқаришини олий ҳакам вақт кўрсатади.
Тўғри, у “Пахтакор”да яхши натижа кўрсатмоқда ва буни инкор этиб бўлмайди. Бироқ терма жамоа билан клуб ўртасида катта фарқ бор. Бабаяннинг олдида узоқ ва жиддий вазифа турибди.
