"Манчестер Юнайтед” клубининг голландиялик ҳужумчиси Робин ван Перси ўзининг Фейсбукдаги расмий саҳифасига очиқ денгиздаги балиқ ови ҳақидаги видеони жойлаштирди.
Унда 31 ёшли футболчи ўз дўсти билан кичикроқ наҳанг балиқни (акула) тутиб олгани акс этган. Ван Персининг ёзишича, кейинчалик улар наҳангни денгизга қўйиб юборишган.
Эслатиб ўтамиз, футболчи ёзда “МЮ”дан кетишни режалаштирмоқда. Маълумотларга кўра, у фаолиятини “Милан” ёки “Фенербахче”да давом эттириши мумкин.
У якунланган мавсумда "қизил иблислар" жамоасида 27 ўйинда майдонга тушиб, 10та гол урган.
