Хабар берганимиздек, мамлакатимизнинг биринчи рақамли теннисчиси Денис Истомин бундан бир соат аввал Ноттингем (Буюк Британия) шаҳрида давом этаётган йирик турнирнинг финалига йўлланма олган эди. Кипрлик Маркос Багдатис жароҳат олганидан сўнг ҳамюртимиз осонлик билан финал иштирокчисига айланди.
“Маркос ажойиб теннисчи. Афсуски, бугун унга кутилмаган жароҳат панд бериб қўйди. Тўғри, финалга чиққанимдан хурсандман. Лекин Маркос учун чин дилдан афсусдаман. “Уимблдон” турниригача сафга қайтишини истаб қоламан. Мен илк титулимни қўлга киритишга яқин турибман. Финалда бор кучимни бериб, бошқача ўйин намойиш этаман”, - деди Истомин ўйиндан сўнг берган интервьюсида.
