Хабар берганимиздек, бугун мамлакатимизнинг биринчи ракеткаси Денис Истомин Буюк Британиянинг Ноттингем шаҳрида якунига етадиган теннис турнирининг ҳал қилувчи финал учрашувида кортга чиқади. Унинг бош мукофот учун баҳсдаги рақиби америкалик Сэм Куэрри финал олдидан ўз фикрини билдирди.
“Дениснинг ўйин услуби менинг услубимга жуда ҳам ўхшаб кетади. Истомин кучли зарбага эга. Айниқса, чап томондаги зарбалари анча залворли. Энг муҳими, у чим қопламали кортларда энг яхши ўйин намойиш этади. Ҳар қандай ҳолатда финал ўз номига яраша бўлиши аниқ, - деди Куэрри.
