«Динамо» - «Андижон» учрашувидан сўнг дастлаб меҳмонлар бой мураббийи Эдгар Гесс журналистлар саволларига жавоб қайтарди, дея хабар бермоқда “Динамо” расмий сайти.
- Бугун мухлислар қизиқарли ўйин гувоҳига айланишди. Анча шиддаткор баҳс бўлди. Афсуски деярли тенг курашлар остида кечган баҳсда имкониятни бой бердик. Ҳимоя чизиғимизга ўзига бўлган ишонч етишмаяпти. Ўтган ўйинларда кузатилган хатоларни такрорлашда давом этаяпмиз.
- Бугун таркибда қилинган ўзгаришлар ўзини оқладими?
- Қарши ҳужумда вазиятлар бўлаётгани боис рақибни жазолаш учун Абдумалик Абдуллаевни майдонга туширгандим. Аммо кўзлаган мақсадимиз амалга ошмади. Демакки, футболчиларни майдонга тушириш борасида хатоликка йўл қўйдик.
- Биринчи даврда деярли якунланди. Жамоанинг кейинги режалари қандай бўлади?
- Бу борада ҳали ҳеч нарса дея олмайман. Бошқа жамоаларда бўлгани каби бизда ҳам муаммолар бор. Биринчи даврадан кейин жамоанинг режалари ойдинлашади. Таркиб борасида ҳам имкониятга қараб иш тутамиз.