“Локомотив” футбол клуби Англия биринчи дивизиони вакили “Флитвуд Таун” жамоаси билан ўзаро ҳамкорликни йўлга қўяётгани ва буни расман омма эътиборига маълум қилиш мақсадида 29 июнь куни матбуот анжумани ўтказилиши ҳақида хабар берган эдик.
Шу ўрнида таъкидлаш жоизки, айнан шу санада Ўзбекистон миллий терма жамоаси бош мураббийлигига яқинда тайинланган Самвел Бабаян билан ҳам дастлабки матбуот анжумани бўлиб ўтади. Миллий терма жамоамиз янги устозининг журналистлар билан учрашуви соат 12:00 да “Пахтакор” стадиони матбуот анжуманлари залида бўлади. Шуни инобатга олиб, журналистларга қулайлик яратиш мақсадида “Локомотив” ҳамда “Флитвуд Таун” жамоалари вакиллари билан ўтадиган матбуот анжумани вақти ва жойи ўзгартирилди. Унга кўра, ушбу икки жамоа вакиллари янги йўлга қўйилаётган ҳамкорлик хусусидаги журналистларнинг саволларига 29 июнь соат 14:00 да Ўзбекистон Футбол Федерацияси матбуот анжуманлари залида жавоб қайтаришади.
Мазкур учрашувни ташкил этишда кўмак бераётгани учун ЎФФ матбуот хизматига миннатдорчилик билдирамиз.
Агар бирор масалада саволларингиз бўлса, “Локомотив” ПФК матбуот хизматига мурожаат қилишингиз мумкин. (Хайрулла Холиқов, info@lokomotiv.uz)
Мазкур учрашувга барча оммавий ахборот воситалари вакилларини таклиф этамиз!
