“Арсенал” бош мураббийи Арсен Венгер жамоа голкипери Войцех Шесни билан учрашув ўтказди, деб хабар бермоқда Sports.ru.
Суҳбат вақтида Венгер полшалик дарвозабонга клубнинг Петр Чех билан келишувга яқин эканини айтган ва Шеснига янги жамоа излашни маслаҳат берган.
Бироқ голкипер “Арсенал”дан кетишни истамаган ва Венгерга келаси мавсум Чех билан рақобатлашишга тайёр турганини маълум қилган.
Эслатиб ўтамиз, ўтган мавсумнинг иккинчи ярмида 25 ёшли польшалик футболчи клуб асосий таркибидаги ўрнини йўқотиб қўйганди.













