Мадриднинг "Реал" клуби ҳимоячиси Серхио Рамос Флорентино Пересдан ўзини "МЮ"га сотиб юборишини сўради.
Рамоснинг "Реал" билан яна икки йил давом этадиган шартномаси бор. Аммо ҳимоячи ҳозирданоқ жамоадан кетиш истагида эканини билдирган.
29 ёшли ҳимоячи "Реал" раҳбариятини огоҳлантириб, фақат "Манчестер Юнайтед"га ўтиш истаги борлигини айтган. "Манчестер Сити"дан бўлган таклиф эса уни қизиқтирмайди.
Эслатиб ўтамиз, ўтган ҳафта "МЮ" ҳимоячи учун 28 миллион фунт таклиф қилган эди.













