Учрашув шиддатли ҳужумлар билан бошланди. “Қўқон-1912” футболчилари дастлабки дақиқаларда “қалдирғочлар”га қараганда кўпроқ хавфли вазият яратишди. Лекин уларни самарали якунлай олмадилар. Сергей Лушчан шогирдлари вақт ўтиши билан ўз назоратини ўз томонига оғдириб олдилар ва қўқонликлар жарима майдончаси яқинида бир неча голли вазиятлар яратишди. Бироқ танаффусгача ҳисобни очиш ҳеч бир футболчига насиб этмади.
Иккинчи бўлим ҳам худди биринчиси каби бошланди. Танаффусдан кейин қўқонликлар бир неча вазиятлар яратишган бўлса, кейинчалик “Бунёдкор” устунликни ўз қўлига олди. Кетма-кет ҳужумлар 77-дақиқага келиб ўз самарасини берди. “Қўқон-1912” дарвозаси яқинида юзага келган тиқилинч вазиятда Милошевич тўпни Шомуродовга етказиб берди. Элдор эса қулай вазиятда турган Ҳамдамовни кўра билди. Достонбек осонлик билан дарвозани ишғол қилиб, ҳисобни очди – 0:1.
Ушбу ҳисоб ўйин охирига қадар ўзгармай қолди. Шу тариқа, “Бунёдкор”нинг очколари сони 28тага етди.
Олий лига, 15-тур
“Қўқон-1912” – “Бунёдкор” 0:1 (0:1)
Гол: Достон Ҳамдамов 77
Огоҳлантиришлар: Иван Милошевич 10, Самир Бекрич 80, Илья Ильин 82, Игорь Голбан 90+3
“Қўқон-1912”: 16.Андрей Бакланов (12.Азиз Ашуров 60), 24.Илья Ильин, 29.Игорь Голбан, 27.Шохруҳ Холматов, 23.Фурқат Ҳасанбоев, 22.Ориф Мамаджонов (9.Носир Отақўзиев 66), 6.Баҳодир Акрамов, 10.Қувондиқ Рўзиев, 18.Сардор Эминов, 17.Азиз Тўхтабоев (С) (8.Нодирбек Қўзибоев 77), 11.Дониёр Усмонов
Захира: 7.Иззат Ғаниев, 15.Маъруф Зокиржонов, 20.Хуршид Мухторов, 28.Алексей Николаев
“Бунёдкор”: 25.Мурод Зуҳуров, 2.Акмал Шораҳмедов, 4.Хайрулла Каримов (С), 6.Анвар Ғофуров, 7.Шакер Зуаги (27.Сардор Собирхўжаев 67), 8.Жавлон Иброҳимов, 9.Минори Сато, 13.Иван Милошевич, 17.Достонбек Ҳамдамов, 19.Забиҳилло Ўринбоев (14.Воҳид Шодиев 56), 39.Элдор Шомуродов (20.Самир Бекрич 80)
Захира: 45.Акбар Тўраев, 11.Мирзоҳид Ғофуров, 15.Обид Жўрабоев, 16.Артём Филипосян
Ҳакамлар: З. Қодиров (Навоий), Р. Самандаров (Навоий), О. Жумаев (Навоий), Д. Каримов (Тошкент)
Назоратчи: С. Нажафалиев (Тошкент)
1 июль. Қўқон. “Маркази” стадион.
