Қўқон-1912” – “Бунёдкор” (0:1) учрашувидан сўнг ташкил этилган матбуот анжуманининг биринчи қисмида меҳмонлар устози Сергей Лушан саволларга жавоб берди.

"Ўйин биз учун қийин бўлди. Рақиб жамоа майдон марказида бизга қизғин курашни таклиф этди ва яхши ўйнади. Бугун жамоам мен истаган даражада ўйнай олмади. Лекин шунга қарамай керакли натижани қўлга киритдик. Ҳаво ҳам жуда иссиқ бўлди. Кўплаб вазиятларни голга айлантира олмадик. Сўнгги учрашувларда гол ўтказиб юбормаяпмиз. Мана шу омил мени қувонтирмоқда. Аввалгидек кераксиз ва ажабтовур голларни ўтказиб юбормаяпмиз. Биз тўғри йўлдан кетмоқдамиз ва кейинчалик ҳам умид қиламанки ушбу йўлдан кетамиз - дея гап бошлади Лушан.

"Мезбонлар бугун жуда яхши ўйин кўрсатишди. Жамоамизнинг кучсиз ва кучли жиҳатларини яхши ўргангани ўйин давомида сезилиб турди. “Қўқон-1912” кўрсатаётган ўйинидан келиб чиқиб айтадиган бўлсак, уларнинг ҳозирги эгаллаб турган ўрни ўзига мос эмас. “Бунёдкор” бугун маҳорат эвазига ғалаба қозонди. Қўқон жамоаси жуда яхши шаклланган жамоа. Улар ҳар бир рақибга чақилмас ёнғоқдир", – дейди Сергей Иванович.