Олма-отанинг "Қайрат" клуби Европа лигаси саралаш босқичининг биринчи учрашувида сербиянинг "Црвена Звезда" клубини меҳмонда мағлуб этди.

Белградда кечган ўйинда 0:2 ҳисоби қайд этилди.

Учрашувнинг учинчи дақиқасидаёқ серблар бир киши кам бўлиб қолишди. Ҳимоячи Саво Павичевич майдондан четлатилди.

Олма-оталикларнинг ивуарлик ҳужумчиси биринчи голни киритган бўлса, Эрмек Қуантоев иккинчи голни киритиб, жамоасининг ғалабасини мустаҳкамлади.

Жавоб учрашуви 9 июль куни Олма-ота шаҳрида бўлиб ўтади.

Европа лигаси. Саралаш. Биринчи учрашув.

"Црвена Звезда" (Белград, Сербия) - "Қайрат" (Олма-ота, Қозоғистон) - 0:2

Голлар: Гоу (45), Эрмек Қуантоев (64)