Европа Лигасининг биринчи саралаш босқичи ўйинларига старт берилди.
Хамюртимиз Александр Гейнрих тўп сурадиган Қозоғистоннинг “Ордабаси” клуби бугун ўз майдонида Исроилнинг “Бейтар” жамоасини қабул қилиб, 0:0 ҳисобида дуранг ўйнади.
Гейнрих ушбу учрашувда 90 дақиқа давомида ҳаракатланди ва учрашувга ҳакам томонидан қўшиб берилган дақиқаларда ўз ўрнини жамоадоши Петровга бўшатиб берди.
Эслатиб ўтамиз, ушбу жамоалар ўртасидаги жавоб учрашуви бир ҳафтадан сўнг 9 июль куни Исроилда бўлиб ўтади.
Аввалроқ Александр Гейнрихнинг Ўзбекистон миллий терма жамоасининг июль ойидаги ўқув-йиғин машғулотларига таклиф қилиниши ҳақида хабар берилганди.
Европа Лигаси
Биринчи саралаш босқичи
Дастлабки учрашувлар
Ордабаси (Қозоғистон) – Бейтар (Исроил) 0:0 (0:0)
2 июль, 17.00, Ҳожимуқон Мунайтпасов номидаги стадион
Ордабаси – Сидельников, Малий, Абдулин, Суюмбаев, Адирбеков, Нургалиев, Касьянов, Аширбеков (Толебек, 75), Симчевич, Божич, Гейнрих (Петров, 90).
Бейтар – Клейман, Асклинг, Ерухам, Кахила, Клаудемир, Атцили (Нахмани, 64), Коэн (Замир, 54), Магбо (Коэн, 73), Жаири, Матович, Габай.
Огоҳлантиришлар: Нургалиев (25), Аширбеков (34), Асклинг (37), Клейман (85).
