Мадриднинг "Реал" клуби сўнгги мавсумни “Эспаньол” таркибида ўтказган Лукас Васкес билан 5 йиллик шартнома имзолади. Бу ҳақида soccer.ru хориж ОАВга таяниб хабар берди.
24 ёшли ярим ҳимоячи Қироллик клуби тарбияланувчиси ҳисобланади.
2014/15 йилги мавсум арафасида Васкес "Эспаньол"га кўчиб ўтган, аммо "Реал" футболчини мавсум якунлангач 1 миллион евро эвазига яна қайтиб сотиб олиш имконини ўзида қолдирганди. Мадридликлар ушбу ҳуқуқдан фойдаланишни маъқул кўрдилар.
Эслатиб ўтамиз, Васкес ўтган мавсумда 33 учрашувда майдонга тушиб, 3та тўп киритди ва 6та голга асистентлик қилди.
