Мадриднинг "Реал" клуби "Ювентус"нинг Чилилик футболчиси Артуро Видални қўлга киритиш учун ҳаракатни бошлади, дея ҳабар беради Sport газетаси.
Манбада ёзилишича Видалнинг агенти ҳисобланган Фернандо Феличевич ҳамда "Реал" бош директори Хосе Анҳел Санчезлар ўзаро музокараларга киришдилар. Мадридликлар Видал учун 5 йиллик шартнома таклиф қилишни режалаштирганлар ҳамда "Ювентус" клубига футболчининг трансфер ҳуқуқини сотиб олиш учун 30 миллион евро тўлашга рози эканликларини маълум қилганлар.
Ҳозирда Видалга "Арсенал" ҳам даъвоарлик қилмоқда. Бироқ футболчининг ўзи "Реал" сафида тўп суришни орзу қилмоқда, - дейилади хабарда.













