Кеча Малайзия премьер-лигасида 14-тур учрашувлари ўтказилди.

Ҳамюртларимиз Фарҳод Тожиев ва Садриддин Абдуллаевлар тўп сурадиган “Т-Тим” жамоаси бу гал турнир жадвалида 3-поғонада бораётган “Пулау Пинанг” клуби майдонига сафар уюштирди. Деярли ҳеч бир учрашувда қийинчиликсиз ғалаба қозониб келаётган “Т-Тим” бу сафар жиддий қаршиликка дуч келди. Учрашувнинг 23-дақиқасида мезбонлар етакчиси Ҳилтон Мораире ҳисобни очишга муваффақ бўлди. Лекин ҳамюртимиз Фарҳод Тожиев ҳар галгидек жамоаси учун “қутқарувчи” вазифасини ўтади ва 31-дақиқада пенальтидан тўп киритиб, жамоасига дурангни тақдим этди.

Учрашувда ҳар икки ҳамюртимиз ҳам асосий таркибда майдонга тушди ва тўлиқ 90 дақиқадан ўйнашди.

“Т-Тим” ҳали ҳам мусобақа жадвалида пешқадамлик қилмоқда. Таъкидлаш жоиз, мазкур жамоа олдига Супер лигага қайтиш вазифаси қўйилган.

Шу ўринда қайд этиб ўтиш жоизки, баъзи бир манбаларда “Т-Тим” клубида ўзбекистонлик легионерлар сони 3 тага етгани ёзилмоқда. Маълум бўлишича, Дилшод Шарофутдинов ҳам энди фаолиятини ушбу клубда давом эттириши мумкин экан. Аммо ҳозирча Малайзия жамоаси расмий сайти бу маълумотни тасдиқлаганича йўқ.