Келаси ҳафтада “Реал”нинг янги ҳимоячиси Данило Мадридга келади.
23 ёшли бразилиялик футболчининг тақдимотини чоршанба, пайшанба ёки жумада ўтиши кутилаяпти.
“Реал” янги ҳимоячисининг тақдимот маросими ёпиқ тарзда ўтказилиши мумкин. Клуб раҳбарияти мадридлик мухлисларнинг Серхио Рамос ҳамда Икер Касильяс билан боғлиқ гап-сўзлар сабаб эътироз билдиришларидан ҳадиксирамоқда.
Масалан, Гарет Бэйл “Реал” футболчиси сифатида таништирилган вақтда баъзи фанатлар клуб президенти Флорентино Пересни Месут Ўзилни “Арсенал”га сотгани учун ҳақорат қилишганди.
Эслатиб ўтамиз, “Реал” Данило учун “Порту”га 31,5 миллион евро тўлаган. Футболчи Мадрид жамоаси билан 6 йиллик шартнома имзолаганидан кейин Мадрид клуби тарихидаги энг қиммат ҳимоячига айланганди.
