Осиё футбол конфедерацияси 23 ёшгача бўлган футболчилар ўртасидаги Осиё чемпионати финал босқичи учун ўтказиладиган қуръадан аввал жамоаларни саватчаларга ажратди.
Унга кўра, Ўзбекистон олимпия терма жамоаси 3-саватчадан ўрин оладиган бўлди. Ушбу саватчадан, шунингдек, Сурия, Эрон, КХДР жамоалари ҳам жой олади.
Саватчалар қуйидагича кўриниш олган:
1-саватча: Қатар, Ироқ, Саудия Арабистони, Иордания
2-саватча: Жанубий Корея, Австралия, Япония, БАА
3-саватча: Сурия, Эрон, КХДР, Ўзбекистон
4-саватча: Таиланд, Хитой, Вьетнам, Яман
Эслатиб ўтамиз, қуръа ташлаш маросими шу йилнинг 12 сентябрь куни Қатарда ўтказилади.
