“Челси” собиқ ҳужумчиси Дидье Дрогба BT Sport эфирида Рио Фердинандга интервью берди ва “Манчестер Юнайтед” ҳимоячилари Рио Фердинанд ва Неманья Видич, шунингдек “Барселона” собиқ сардори Карлес Пуйоль ўтиш қийин бўлган рақиблар бўлганини тан олди, деб хабар бермоқда Championat.com.
“Ўтишим қийин бўлган рақиблар? Мен ҳар доим бу сен (Рио Фердинандга мурожаат қилиб) ва Видич деб айтиб келганман.
Одамлар менинг “Манчестер Юнайтед” дарвозасига кам гол урганимни айтишади. Ростини айтсам сизларга гол киритган вақтим жуда хурсанд бўлардим, сабаби бу ишни ҳар доим ҳам уддалаш қийин эди. Бу ўйин яхши бўлганини англатарди.
Яна ҳимоячилар орасида Пуйолни алоҳида ажратиб кўрсатишим мумкин, у метиндек мустаҳкам, жентльменлигига ҳам қойил қолиш лозим” , — дейди Дрогба.