“Лос-Анжелес Гэлакси” янги футболчиси Стивен Жеррард “Ливерпул”дан Америка клубига ўтишида жамоа собиқ ярим ҳимоячиси Дэвид Бекхэм муҳим роль ўйнаганини таъкидлаб ўтди.

Жеррарднинг сўзларига кўра, унга Европа клубларидан ҳам таклифлар бўлган, бироқ Стиви келажакда “Ливерпул”га қарши ўйнашни истамаган.

– Дэвид – менинг қахрамоним, ажойиб йигит ва зўр футболчи, – дея Жеррард сўзларини келтиради BBC га асосланиб “СЭ”. – Албатта “Гэлакси”га ўтишдан аввал маслаҳатлашган инсонлардан бири у. “Ливерпул”ни яхши кўраман, жамоанинг ашаддий ишқибозиман ва ҳамиша шундай бўлиб қолади. Англия чемпионатидан ҳам, Европанинг бошқа жамоаларидан ҳам таклифлар бўлди, лекин мен “Ливерпул”га қарши ўйнашим мумкинлигини ўлаб уларни рад қилдим.