Аргентина терма жамоаси ҳужумчиси Лионель Мессининг бобоси Антонио Куччитини қизиқ баёнот билан чиқиш қилди. Унинг қайд этишича, миллий терма жамоа футболчилари майдонда Мессига ёрдам бермаяпти.
“Ҳамма нарсани ютиб бўлмайди, Лионель эса етарлича иш қилиб бўлди. У “Барселона”да муваффақиятга эришмоқда, терма жамоада эса — йўқ. Сўнгги уч ўйинда у кучсиз кўринди. Леога амалда тўп оширишмаяпти ва уни ҳисобга олишмаяпти”, - деди Куччитини.
Бундан ташқари, бобонинг қайд этишича, Месси миллий терма жамоадаги фаолиятини якунлаши ҳақидаги хабарларда асос йўқ.
