«Манчестер Юнайтед» ярим ҳимоячиси Анхель Ди Мария «ПСЖ»га ўтишга тайёр. 

Аргентиналик футболчи ўтган ёздаёқ «ПСЖ»га ўтиши мумкин эди, бироқ Париж клуб молиявий фейр-плей билан боғлиқ чекловлар сабаб футболчини сотиб ололмаган эди. Яқинда бу чекловлар олиб ташланди ва Ди Мария Франция клубига ўтиш истагини яна билдирди. 

Томонлар келишиб бўлишган. Шартнома шартларига кўра, Ди Мария «ПСЖ»нинг энг кўп маош оладиган футболчиларидан бирига айланади. Айни вақтда, трансфер июль ойининг охиригача расмийлаштирилмаслиги мумкин. 

Хабар беришларича, «Манчестер Юнайтед» футболчини 60 миллион евро эвазига қўйиб юборишга рози бўлган, ваҳоланки, бир йил аввал бу футболчи учун «Реал»га 75 миллион тўлаган эди. Бунга сабаб – Ди Мария ортиқ Англияда ўйнамоқчи эмас ва яна бир муваффақиятсиз футболчининг нархини сезиларли тушириб юбориши мумкин. 

Савдога «ПСЖ»нинг ўнг қанот ҳимоячиси Грегори ван дер Виль ҳам қўшилиши мумкин.