Биринчи даврадаги натижаларан сўнг "Навбаҳор" жамоаси бош мураббийи Бахтиёр Ашурматовнинг жамоада қолиш ёки қолмаслиги борасидаги саволлар юзага келганди.
Ашурматов Наманган вилояти ҳокими билан бўлиб ўтган учрашув чоғида “Навбаҳор”даги фаолияти борасида келишиб олинди.
Яъни Ашурматов жамоада бошлаган ишини мавсум охирига қадар давом эттирадиган бўлди, дея хабар беради "лочинлар"нинг расмий твиттери.
Хабарга кўра, бундан ташқари, "Навбаҳор" мураббийлар штабида ўзгариш рўй берди. Яъни наманганлик мураббийлар сафига Александр Волков қўшилди.
Иккинчи даврадаги натижаларни яхшилаш мақсадида Волков "лочинлар"да жисмоний тайёргарлик бўйича мураббий сифатида иш юритади.
Мухлисларга “Бунёдкор” клубидаги ва миллий терма жамоадаги фаолияти орқали яхши таниш бўлган Александр Волков мавсум иккинчи ярмини “Навбаҳор”да ўтказадиган бўлди.
