Шу кунларда Баҳрайн пойтахти Манама шаҳрида Осиё Футбол конфедерациясининг йиғилиши бўлиб ўтмоқда. ОФК президенти Шайх Салмон бин Иброҳим Ҳалифа раҳбарлигида ўтказилаётган йиғилиш чоғида бир қатор қарорлар қабул қилинди.
Хусусан, 2015 йилги Осиёнинг энг яхшиларини тақдирлаш гала-маросими 29 ноябрь куни Ҳиндистоннинг Нью-Дели шаҳрида ўтказилиши тасдиқланди. Шу куни бир неча номинацияларда йилнинг энг яхшилари аниқланади.
“Ҳиндистон қитъада футболи юқори тезликда ривожланиб бораётган давлатга айланди. Бу галги йилнинг энг муҳим тадбирини Ҳиндистонда ўтказиш энг мақбул вариант”, - деди ОФК президенти.
