Оғир вазнда WBA йўналиши чемпиони ҳамюртимиз Руслан Чагаев Франческо Пьянета билан жангдан кейин 120 кун ичида Фрес Окендо билан реванш жанги ўтказиши керак.
Эслатиб ўтамиз, кеча Чагаев уч дақиқа ичида италиялик Пьянетани нокаутга учратганди.
– Регламентга кўра Окендо билан жанг 12-июлдан бошлаб 120 кун ичида Германияда жанг ўтказилиши керак, – дея Чагаев промоутери Тимур Дугазаев сўзларини келтиради “Р-Спорт”. – Эҳтимол жанг Гамбургда ўтар, лекин нима бўлган тақдирда ҳам ҳаммасини Рамзан Ахматович Қодиров билан муҳокама қилиб олишимиз керак. Руслан Пьянета билан жангга бир йил тайёрланди, тўртта машғулот лагерида ишлади, ҳозирча икки ҳафта таътил олиб, Окендога қарши учрашувга тайёрланамиз”.
