Айни дамда Тошкентда иккинчи давра ўйинларига тайёргарлик кўраётган Машъал клуби 13 июль куни Ўзбекистон олимпия терма жамоасига қарши назорат учрашувида майдонга тушди.

Мазкур учрашувда ҳар иккала жамоа ҳам икки бўлим давомида аралаш таркиби билан ҳаракат қилди. Учрашув эса Ўзбекистон олимпиячиларининг 3:0 ҳисобидаги ғалабаси билан якун топди. Таъкидлаш жоиз, мазкур голлардан бирига "Машъал" таркибидан Ўзбекистон олимпия терма жамоасига чақиртирилган Шохруҳ Достонов муаллифлик қилди. Ушбу учрашувда, Ўзбекистон олимпия терма жамоаси сафида "Машъал"нинг яна бир аъзоси Искандар Шойқулов ҳам ҳаракат қилган.

Назорат учрашуви.

13 июль. Тошкент.
Ўзбекистон ОТЖ – “Машъал” 3:0.
Голлар: Жалолиддин Машарипов, Максимилиан Фомин, Шохруҳ Достонов.