Испания профессионал футбол лигаси янги мавсум тақвимни тасдиқлади. Унга кўра "Барселона" дастлабки турни Бильбаонинг "Атлетик" жамоасига қарши ўтказадиган бўлди. Дастлабки тур ўйинлари 22-23 август кунлари бошланади.
Хабарингиз бор, Испания Суперкубоги соврини учун ҳам "Барселона" ва "Атлетик" жамоалари тўқнаш келишади. Бу ўйинлар 14 ва 17 август кунларига белгиланган.
"Реал Мадрид" Ла лагининг илк турда Хихоннинг "Спортинг" жамоаси меҳмони бўлса, "Атлетико" эса "Лас-Пальмас" билан тўқнаш келади.
Дастлабки "эл-класико" 8 ноябрь куни "Сантьяго Бернабеу"да бўлиб ўтади.
