Кеча «Барселона» президенти лавозими учун сайлов бўлиб ўтди ва унинг натижалари эълон қилинди.
Каталония клубининг амалдаги президенти Жозеп Бартомеу сайловда ғалаба қозонди ва 6 йилга қайта сайланди.
52 ёшли функционер 54,63% овоз жамғарди ва рақиблари Жоан Лапорта (33,03%), Агусти Бенедито (7,16%) ва Тони Фрейшу (3,7%)ни ортда қолдирди. Бартомеунинг инаугурация маросими душанба куни бўлиб ўтади.
Эслатиб ўтамиз, Бартомеу 2014 йилнинг 23 январидан бери «Барселона» президенти лавозимида фаолият юритиб келаётганди.
