“Арсенал” ҳужумчиси Оливье Жиру клубнинг янги форвард трансфери бўйича музокара олиб бораётгани ҳақидаги хабарларга муносабат билдирди.
Эслатиб ўтамиз, миш-мишларга кўра “канонирлар” “Реал” билан Карим Бензема трансфери бўйича музокара олиб бормоқда.
“Бу каби миш-мишларга эътибор қилмайман. Мавсумолди йиғини ҳақида кўпроқ ўйлаяпман. Ҳозирги таркиб билан яхшироқ ўйин кўрсатаяпмиз аҳил-иноқ жамоамиз ва ўйинимизнинг ўсиб бораётгани қувонарли. Агар “Арсенал” янги ҳужумчи сотиб олса бу яхши иш бўлади ва рақобат сабаб қолганларнинг ўйини ҳам ўсади”, — дея Жиру сўзларини келтиради Championat.com.
