“Арсенал” дарвозабони Петр Чех янги клуби таркибида Сингапурда ўтган Premier League Asia Trophy-2015 финали доирасида “Эвертон”га қарши учрашув (3:1) таассуротлари билан ўртоқлашди. Голкипер “Арсенал”га июнь ойида “Челси”дан кўчиб ўтганди.
- Янги клуб таркибидаги илк учрашувни ўтказиш ажойиб иш бўлди, - дея Чех сўзларини келтиради Sky Sport га асосланиб “СЭ” нашри. – Ушбу ўйиннинг муҳимлиги шундаки, аввало формамни тиклаб олишим мумкин, кейин эса жамоадошларим билан муносабатларим яхшиланади. Дебютим муваффақиятли чиққанидан хурсандман. Бу мавсумолди йиғини доирасидаги биринчи ўйин, учрашувда тўлиқ 90 дақиқа ўйнаганим жуда ажойиб иш бўлди ва бу вақт давомида бир сония ҳам ҳушёрликни йўқотмадим.
