“Интер” дарвозабони Самир Ханданович клуб билан янги шартнома имзолаш бўйича келишувга эришди.
“Нерадзуррилар” ва 31 ёшли словениялик посбон ўртасидаги янги келишув 2019 йилгача мўлжалланган бўлиб, битим трансфер ойнаси ёпилгунига қадар расмийлаштирилади.
Футболчининг маоши 2 миллион евродан 2,5 миллион еврога оширилди. Шунингдек, ўйинчига мавсумдаги натижаларга қараб бонуслар такдим қилиниши ҳам мумкин, дея championat.com La Gazzetta dello Sport нашрига таяниб хабар бермоқда.
Эслатиб ўтамиз, Хандановичнинг “Интер” билан тузган амалдаги келишуви 2016 йил ёзида якунига етади.
Маҳоратли кипер ўтган мавсум “нерадзуррилар” сафида 40 учрашувда майдонга тушиб, ўз дарвозасидан 48та тўп қўйиб юборганди.
