Икер Касильяснинг агенти Сантос Маркес “Реал” президенти Флорентино Переснинг клубдаги ўз принциплари ҳақида гапириб берди.
“Реал” кийиниш хонасида ким президентнинг ёқимтойи эканини ҳамма билади. Гап Бейл ҳақида бормоқда. Флорентино уэльслик йигитни дунёдаги энг кучли футболчи деб ҳисоблайди. Айнан шу нарса Анчелотти ва Перес ўртасида тушунмовчиликка сабаб бўлганди.
Перес қора танли ўйинчиларни ёқтирмайди. У ирқчи эмас, шунчаки унга қора танли футболчилар ёқмайди. Президент уларсиз белгиланган вазифани уддалашга интилади.
Перес шу сабабли Макелеленинг ҳурматини жойига қўймади. Это’О билан ҳам худди шундай бўлди. У ҳам худди Фигу сингари галактико эди. Аммо танасининг ранги туфайли жамоадан кетишга мажбур бўлди”, - дея eurosport.ru AS нашрига таяниб агентнинг сўзларини келтиради.
