ФИФА президенти Йозеф Блаттернинг Цюрихдаги матбуот анжумани комик Ли Нельсоннинг провокацияси туфайли тўхтатилди ва қолдирилди.
У Блатер ўтирган стол олдига келди ва бир тахлам долларни сочиб юборди. Конференция дарҳол тўхтатилди. Зепп: "Аввал мана бу нарсаларни йўқотинглар, биз футбол ҳақида гаплашиш учун йиғилганмиз. Бу ерни тозалаб олинглар, кейин қайтаман", дея конференцияни тарк этди.
Шунингдек, бугун Цюрихда ФИФА ижроқўмининг навбатдан ташқари йиғилиши бўлиб ўтди ва 2016 йилнинг 26 февралида ташкилотнинг янги президентини сайлаш борасида қарор қабул қилинди.
Ли Нельсон - британиялик комик Саймон Бродкиннинг тахаллусидир.
