Осиё шахмат федерацияси Ўзбекистон Республикаси Президенти Ислом Каримовни “Йил кишиси” деб эълон қилди. Бу ҳақидаги расмий табрик мактуби Ўзбекистон шахмат федерациясига келиб тушган:
“We are pleased to inform you that Asian Chess Federation president Sheikh Sultan bin Khalifah Al Nahyan announced the other day at a press conference for the 2nd Annual Asian Chess Excellence Awards that the Man of the Year Award goes to His Excellency President Islam Karimov of Uzbekistan”.
Мактубда ёзилишича, Осиё шахмат федерацияси томонидан ўтказиб келинаётган анъанавий “2nd Annual Asian Chess Excellence Awards” премиясининг “Йил кишиси” номинацияси ғолиби сифатида Ўзбекистон Республикаси Президенти Ислом Каримов эътироф этилган.
Осиё шахмат федерацияси президенти Шайх Султон бин Ҳалифа Ал Нахён бу янгиликни расман эълон қилди. Хабарга мос тарзда суратлар ҳам илова қилиниб, унда Шайх Султон федерация бош котиби Хишам ал-Тоҳир билан бирга номинация ғолибига тақдим этиладиган мукофотни намойиш қилишган.
Ушбу номинация бўйича мукофот мамлакатда шахматга қаратилаётган эътибор, болалар спорти, хусусан шахматга берилаётган ғамҳўрлик, яратилаётган шароитлар ва доимий қўллаб-қувватлашни таъминлаётганлар учун топширилади.
“Asian Chess Excellence Awards” премияси ўтган йили таъсис этилган бўлиб, илк ғолибларни тақдирлаш маросими 2014 йилнинг 25 июль куни БААнинг Ал-Айн шаҳрида бўлиб ўтган эди. Ўшанда “Йил кишиси” номинациясида ғолиблик БААнинг Шаржа шаҳри амири Шайх Муҳаммад ал-Қосимийга насиб этганди. Қосимий 10 миллион АҚШ доллари эвазига дунёдаги энг катта шахмат клубини бунёд эттирганди.
