Австрияда мавсумнинг иккинчи ярмига тайёргарликни давом эттираётган “Локомотив” ўзининг иккинчи ўртоқлик учрашувини ўтказди.

Туркия суперлигаси вакили “Акҳисар Беледияспор клуби билан кечган баҳсда “темирйўлчилар” 2:1 ҳисобида ғалаба қозонишди. Ўйиннинг 18-дақиқасида Сардор Мирзаев ҳисобни очди. 45-дақиқага келиб Дилшод Раҳматуллаев ҳисобни 2:0га етказди. “Акҳисар”нинг жавоб тўпи эса 85-дақиқада Гурай Вурал томонидан киритилди.

“Локомотив” Австрия йиғини доирасидаги ўзининг навбатдаги учрашувини 24 июль куни Туркиянинг бошқа бир жамоаси “Коняспор”га қарши ўтказади.

“Локомотив”нинг Австриядаги ўртоқлик ўйинлари:

18 июль. “Локомотив” – “Маккаби Хайфа” (Исроил) 0:2
21 июль. “Локомотив” – “Акҳисар Беледияспор” (Туркия) 2:1
24 июль. “Локомотив” – “Коняспор” (Туркия)
26 июль. “Локомотив” – “Ал Айн” (БАА)